विराटनगर ।नेपाली कांग्रेसको कोशी प्रदेश समितिले देशमा भैरहेका प्राकृतिक प्रकोप र राजनीतिक चासोहरूप्रति ध्यानाकर्षण गदै प्रेस विज्ञप्ती जारी गरेको छ । प्रभावित नागरिकलाई सहयोग गर्ने र राजनीतिक स्थायित्व कायम राख्ने पार्टीको प्रतिबद्धता गरेको नेपाली कांग्रेस कोशी प्रदेशका प्रवक्ता यदु विष्टले बताउनुभयो । हालैको अविरल वर्षाका कारण व्यापक क्षति हुँदा, पार्टीले निधन भएका र घाइते भएका नागरिकप्रति श्रद्धाञ्जली अर्पण गर्दै राहतका लागि सरकारलाई तुरुन्तै कदम चाल्न आग्रह गरेको छ । मृतकका परिवारलाई विशेष राहत र घाइतेको निशुल्क उपचारको व्यवस्था गर्न अनुरोध गरिएको छ । काठमाडौँसँग जोड्ने प्रमुख सडकहरू भत्किएको कारण घर जाने चाहने सर्वसाधारणलाई समस्यामा परेको अवस्थामा, कोशी प्रदेश सरकारले यथाशीघ्र सडक पुनः सञ्चालनको पहल गर्न , नेपाली कांग्रेसले हालको संयुक्त सरकारमा सहकार्यलाई निरन्तरता दिनको महत्त्वलाई औंल्याएको छ। पार्टीले सबै राजनीतिक दललाई सहमतिहरूको पालना गर्दै एकताबद्ध भएर अघि बढ्न आह्वान गरेको जारी गरिएको विज्ञप्तीमा भनिएको छ । कालाबजारी, महँगाइ र भ्रष्टाचारको समस्याबारे ध्यानाकर्षण गर्दै, पार्टीले सम्बन्धित निकायलाई तदारुक कदम चाल्न आग्रह गरेको छ र आम नागरिकलाई सचेत गराइएको छ । कोशी प्रदेश समितिले हालसम्म २२ वटा विभाग गठन गरिसकेको र आगामी प्रदेश सम्मेलनको तयारी भइरहेको जानकारी गराएको छ ।