‘कर प्रणालीको सार, लगानीको आधार भन्ने मूल नाराका साथ आन्तरिक राजस्व कार्यालय विराटनगरले १३ औं राष्ट्रिय कर दिवस तथा कर सप्ताहका दिवस मनाउन सुुरु गरेको छ ।सो अबसरमा विराटनगरमा प्रभातफेरीको आयोजना गरिएको थियो । नगरका विभिन्न भागको परिक्रमा पछी कर कार्यलयमा आएर समापन भएको थियो ।
प्रभातफेरिमा सहभागिहरुलेसमृद्ध निर्माणमा सबैको योगदान, यथार्थ कर, विकासको भर, मान्नु पर्दैन प्रशासनको डर, स्वच्छ कर प्रशासन विकास र सुशासन, नलुकाउ आय तिरौं कर, कर प्रणालीको सार, लगानीको आधार, करदाताको सही पहिचान, भन्ने प्लेकार्डसहित प्रभात फेरिमा सहभागि भएको पाइएको छ ।सो कार्यक्रमका मुुख्य अतिथि मोरङका प्रमुख जिल्ला अधिकारी प्रेमप्रसाद भट्टराईले राज्यको नीतिगत व्यवस्थाका कारण करको अवस्था चित बुझ्दो नभएको दुुखेसो व्यक्त गरे ।
उक्त कार्यक्रमा विराट व्यापार संघका अध्यक्ष अंशु बन्जारा, नेपाल उद्योग परिसंघका वरिष्ठ उपाध्यक्ष दीपक पौडेल, उद्योग संगठन मोरङका अध्यक्ष राकेश सुराना, मोरङ उद्योग व्यापार संघका वरिष्ठ उपाध्यक्ष अनिल साहले देशको आर्थिक अवस्था नाजुक रहेको भन्दै आर्थिक अवस्था चलायमान बनाउन सरकार लाग्नु पर्ने बिचार व्यक्त गर्नुभएको थियो ।
विराटनगर भन्सार कार्यालयका प्रमुख ज्ञानेन्द्रराज ढकालले कर प्रणाली सुधारका लागि कर दातामैत्री बनाउनु पर्ने भन्दै करदातालाई कर तिर्न प्रोत्साहित गर्नुपर्नेमा जोड दिनुुपर्ने बिचार व्यक्त गर्नुुभयो ।