कोरिया । कोरिया स्थित नेपाली दूतावासले आयोजना गरेको लगानी सेमिनारमा विराटनगरका दुई युवा उद्यमीहरुले भाग लिएका छन् । आइतबार भएको लगानी सेमिनारमा भाग लिन विराटनगरका दुई युवा उद्यमीहरु कोरीयाको राजधानी सोल र बुसानमा पुगेका थिए। कोरिया स्थित नेपाली दूतावासले आयोजना गरेको उक्त कार्यक्रममा उद्यमीहरु प्रतिक राउत र प्रत्युश राउत कोरिया गएका हुन् ।
नेपालमा लगानी र व्यापारका अवसरहरु शीर्षकको सेमिनारमा कोरियामा कार्यक्रम भएको थियो । नेपाली दूतावासको आयोजनामा सोलमा हिजो सो कार्यक्रम भएको थियो भने भोलि बुसानमा सेमिनार हुँदै छ ।
सेमिनारमा भाग लिन उद्योग वाणिज्यमन्त्री दामोदर भण्डारीसहितको टोलीमा उनीहरु पनि समाबेश भएका थिए । कार्यक्रमले नेपालमा लगानीका बढ्दो अवसरहरूलाई उजागर गर्ने विश्वास लिइएको छ । यही क्रममा नेपाल र कोरियाका व्यवसायी प्रतिनिधिहरूबीच व्यापार व्यवसाय (बिटूबी) बैठकहरूसमेत हुने बुझिएको छ ।