विराटनगर । कोसी प्रदेशको ऐतिहासिक महत्त्व र समकालीन आवश्यकता सम्बोधन गर्दै, कोसी विचार उत्सवको विराटनगरमा तयारी पूरा भएको छ ।वीणा फाउन्डेसनको आयोजनामा फागुन १५ देखि १७ सम्म विराटनगरमा उत्सव हुन लागेको हो । बुधबार पत्रकार सम्मेलनमा गर्दैै फाउन्डेसनका संस्थापक बरुण झाले क्षेत्रीय, राष्ट्रिय र वैश्विक महत्त्वका मुद्दाहरूमा खुला संवाद र सहकार्य प्रवर्द्धन गर्न उत्सवको आयोजना गरिएको बताएका छन् । उनका अनुसार कार्यक्रममा केन्द्रीय र प्रदेश स्तरीय राजनीतिक नेतृत्व तथा विज्ञको प्रस्तुति र सहभागिता रहने पाइएको छ ।

कार्यक्रममा राजनितिक दलका नेताहरुको पनि सहभागी हुने भएको छ । कांग्रेस नेता डा.शेखर कोइराला, कोसीका मुख्यमन्त्री हिक्मत कार्की, प्रतिनिधिसभाका सांसद प्रदीप ज्ञवाली, योगेश भट्टराई, सांसद मनीष झा, सुनिता बराल, शिशिर खनाल, निशा डांगी, भगवती चौधरी, ज्ञानेन्द्र शाहीलगायत सहभागी हुनेभएका छन् । प्यानल छलफलमा नेपालका चर्चित पत्रकारहरूले सहजीकरण गर्ने बताइएको छ । टीकाराम यात्री, ऋषि धमला, जीवराम भण्डारीलगायत विषयगत विज्ञले छलफललाई सहजीकरण गर्नेछन् ।