विराटनगर । मोरङको ग्रामथान गाउँपालिकाका अध्यक्ष नमोनारायण माझीले कार्यपालिका बैठकमा राखिएका ६ मध्ये दुई प्रस्तावमा असहमति जनाएपछि उपाध्यक्ष र वडाध्यक्षका सवारीका चाबी खोसिदिएका छन् । उपाध्यक्ष गुणावतीदेवी चौधरीका अनुसार “अध्यक्षले माओवादी कार्यकर्ता खटाएर चाबी खोसेको बताएकी छन् ।
गएको उपनिर्वाचनमा नेकपा (माओवादी केन्द्र) बाट उमेदवार बनेर माझी अध्यक्ष पदमा निर्वाचित भएका हुन् । उनी आएसँगै नेपाली कांग्रेस र नेकपा (एमाले)बाट निर्वाचित जनप्रतिनिधिले कार्यपालिका बैठक बहिष्कार गर्दै आएका छन् ।