विराटनगर  । माहेश्वरी महिला मञ्च विराटनगर र रोटरी क्लब अफ विराटनगर फ्युजनद्वारा कोशी अस्पताललाई पोस्ट मेटरनिटी किट वितरण गरेको छ । अन्तर्राष्ट्रिय महिला दिवसको अवसरमा एक विशेष कार्यक्रमका बीच माहेश्वरी महिला मञ्च विराटनगर र रोटरी क्लब अफ विराटनगर फ्युजनले संयुक्त रूपमा अस्पताललाई प्रसूति पछि आवश्यक पर्ने किट वितरण गरेको हो ।

प्रसूति किटमा गर्भवती महिलाका लागि गाउन, प्रोटिनयुक्त खाना र लामखुट्टेमुक्त गराउने झुल, कम्बल, डायपर सेट र बालबालिकाका लागि साबुन समावेश थियो। कुल ५० किटमध्ये आज अस्पतालकी स्त्री रोग विशेषज्ञ डा‍‍। अञ्जु देवलाई २१ किट हस्तान्तरण गरिएको मञ्चकी अध्यक्ष ललिता जाजूले बताइन।

कार्यक्रममा रोटरी क्लब विराटनगर फ्युजनका अध्यक्ष रोटरियन विवेक अग्रवाल, प्रथम महिला रोटरियन खुशी अग्रवाल, कोषाध्यक्ष रोटरियन साकेतजी मुरारका, नेपाल माहेश्वरी महिला संगठनकी उपाध्यक्ष अमिता पेडीवाल, निवर्तमान अध्यक्ष पुनम राठीको उपस्थित थियो ।

साथै संगठनकी सल्लाहकार रीता महेश्वरी, सरिता लखोटिया, अखिल भारतीय माहेश्वरी महासभाका कार्यकारी सदस्य अमिताभ माहेश्वरी, माहेश्वरी समाज विराटनगरका सचिव सुरेश परतानी, माहेश्वरी युवा मञ्चका उपाध्यक्ष नितेशजी सारडा र मञ्चका प्रतिनिधिहरू पनि कार्यक्रममा सहभागी थिए । कार्यक्रमको संयोजक शीतल बाहेती थिइन् ।