विराटनगर। मातृशोकमा परेका पत्रकार विजय खतिवडालाई आमाको तेह्रदिने किरियामा बसेको स्थान भद्रपुरमा नै पुगेर विराटनगरका पत्रकारहरुले समवेदना दिएका छन् ।नेपाल पत्रकार महासंघ कोशी प्रदेश सदस्य अविनाश निधी, अग्रज पत्रकार शंकर लुइटेल, स्वतन्त्र पत्रकार उद्धव घिमिरे, व्यवसायी मदन पुडासाईं र सुरज राजवंशीले समवेदना दिएका हुन् ।

स्वतन्त्र पत्रकार संघ कोशीका संयोजक खतिवडाकी आमा देवधरा खतिवडाको ८७ वर्षको उमेरमा गत शुक्रबार निधन भएको थियो । झण्डै एक दशकदेखि पक्षघातलगायतको बिरामीबाट ग्रस्त खतिवडाको झापा भद्रपुर क्याम्पसरोडस्थित आफ्नै घरमा निधन भएको हो । वि।सं। १९९५ मंसिर १७ गते जन्म भएकी खतिवडाका विजयसहित रामहरि, शिवहरि, विश्वहरि र कमलहरि गरी पाँच छोरा र मञ्जरी र मनसासहित दुई छोरी छन् । दिवङ्गत खतिवडाको शुक्रबार नै स्थानीय देउनिया खोलामा दाहसंस्कार भएको छ ।