विराटनगर । नारदमुनि–पवित्रादेवी लुइटेल स्मृति कोष ग्रामथान–२ झोराहाटबाट स्थापित यस वर्षको झिलकुमारी लुइटेल स्मृति पत्रकारिता पुरस्कार बीबीसीका विराटनगर सम्वाददाता एवम् उद्‌घोष दैनिकका कार्यकारी सम्पादक विक्रम निरौलालाई दिने घोषणा गरिएको छ ।

कोषको शुक्रबार बसेको बैठकले निरौलालाई सो पुरस्कार दिने निर्णय गरेको कोषका सदस्य तथा प्रेस युनियन मोरंगका सचिब गोपाल पोखरेलले जानकारी दिए । ११ हजार एक सय ११ रुपैयाँ राशि रहेको सो पुरस्कार यही फागुन २७ गते एक समारोहबीच वितरण गरिने सो कोषका संरक्षक पक्रकार शंकर लुइटेलको भनाइ छ ।

मोरङ कार्यक्षेत्र बनाई सक्रिय पत्रकारिता गर्दै आएका मध्येबाट छनोट गरी प्रत्येक वर्ष एक जनालाई सो पुरस्कार वितरण हुँदै आएको छ ।वि.सं २०७८ बाट वितरण गर्न सुरु गरिएको सो पुरस्कारबाट पत्रकार अभय राई, विनोद सुवेदी र सुशीला पाठक पुरस्कृत भइसकेका छन् ।यसैगरी सोही समारोहमा छत्रपति लुइँटेल स्मृति सेवानिवृत्त शिक्षक सम्मानबाट शिव अधिकारी र नारायण न्यौपानेलाई सम्मानित गरिने जनाइएको छ ।