विराटनगर असार १० ÷ मोरङको झोराहाट नाट्य समूहसँगको आयोजना तथा ग्रामथान गाउँपालिकाको आर्थिक सहयोगमा सडक नाटक प्रर्दशन गरिएको छ ।
नाट्य समूहका कलाकारहरुले मोरङको झोराहाटका विभिन्न ३ स्थानमा नाटक प्रर्दशन गरेका छन् । झोराहाट ,तेतरिया र नेता चोकमा नाटक प्रदर्शन गरिएको थियो । नाटकमा बालविवाहले समाजमा पार्न सक्ने प्रभाव र मानव जिवनमा बाल विवाहको कारणबाट आइपर्ने विभिन्न जोखिमका विषयमा जानकारी गराईएको थियो । कलाकार भरत गुरागाईंको लेखन तथा निर्देशन रहेको नाटकमा बाल विवाह र पोषणका विषयमा नाटक तयार गरिएको छ । गाउँपालिका भित्र बाल विवाह र पोषणका विषयमा जानकारी दिनको लागी कार्यक्रम गरिएको झोराहाट नाट्य समुहले बताएको छ । ग्रामिण श्रेत्रका जनतामाझमा सचेतनाका लागी कार्यक्रम गर्न आफनो पालिका सदैव लागी परेको गाउँपालिकाका प्रमुख प्रशासकिय अधिकृत हरि प्रसाद भटट्राईले बताउनुभयो ।